samba kotuk omak den-langkah domi langkah!

*jangan refresh screen anda.
anda memang sedang membaca di blog yang betul!
sila baca dengan keadaan mulut telopong.
eksesais muka pepagi*

pokoba waghih sumo??

solamat haghi rabu yo.

den pun waghih nogori yo...ado sesapo yang den kona??

ari ni aden takdo apo nak buek.

TAPI! ati den yang tak tonang!

SOKALI..den ingek nak maen masak-masak lauk kampong.

dah lamo e tak masak....borjoman nunggu ko? 

*ko den yang porasan oghang nunggu??...papolah!..*

kito layan yo lah...!

bahan-bahan eh..

ikan bilih di gogheng sampai gaghing.

den gogheng campor dongan gulo sosiap.

gulo tu ikut suko lah nak lotak banyak mano.

ikut banyak ikan bilih la.

bawang meghah.pun ikut suko.

bawang putih pun samo.ikut suko ati den.

lagi banyak lagi sodap.

tak kiro la kotiak bacin ko *boleh pitam laki den
yang ponting eh sodap!

nanti sopray popium bobanyak yo..

lado api den boli dalam tigo ringget.

*ni mang nak bagi beghak lancor!

bolacan den gogheng.

kojap yo tak yah lolamo nanti hancor.

bolacan pun tak yah banyak nanti ghompong idung!

ikan bilih dah gagheng di tos kan minyaknyo yo

lado api tadi di bolen dongan bolacan gogheng.

bawang meghah dan putih

gini lah ghupo e setolah siap bolen

kalo boleh bijik lado e bia hanco..

kalo tak hanco gak gigit yo pakai gigi maso makan yo.

jangan tolan!

umangaii banyaknyo lah!
somangkuk hontak!

lado bolen tadi yang siap di gogheng.

hmmm..wangi sungguh..!

 den simpan separuh buek pes.

*banyak nyo pes ghumah den kan

sotoghuihnyo..campurkan ikan bilih dongan pes tadi hinggo sobati

lopeh tu campakkan bawang meghah yang di mayang.

lagi banyak bawang meghah lagi umphh..!

*sekodi bawang den guno

balek-balekkan hinggo layu sikit.

kalau nak lotak poghiso pun boleh.ikut suko

dah siap!
samba kotuk omak den!

omak oo omak..beghapo bintang??

se ghaso dah sodap dah ni..

cubo torai den jamin sodap!

sokian.

 solamat molancor yo!